Semundjet Psiqike

Sëmundjet Psikike



I. Skizofrenia

A. Me “defekt” te thellë, që kërkon asistencë te vazhdueshme të familjarëve ose te kujdestarit ligjor.
Aftësia për punë:
Të siguruarit, pavarësisht nga profesioni që kanë ushtruar, përfitojnë invaliditet te plotë, si dhe shtesë per kujdesje, per pesë vjet ose më shumë.

B. 1. Me ecuri progresive dhe shenja te defektit (otuzitet emocional, varfëri në mendime, pasivitet, reduktim te kërkesave dhe interesave, sjellje bizare, etj, që instalohen që në krizën e parë ose te dytë.
Aftësia për punë:
Të gjithë të siguruarit, pavarësisht nga profesioni që kanë kryer, përfitojnë invaliditet të plotë për tre vjet, të paaftë për punë.

2. Me recidiva te shpeshta (mbi dy recidiva në vit) në mjekim te pandërprerë me neuroleptikë.
Aftësia për punë:
Të siguruarit, pavarësisht nga profesioni që kanë ushtruar, përfitojnë invaliditet te plotë për dy vjet, të paaftë për punë.

3. Me simptoma psikotike gjatë një periudhe 6 mujore te mjekimit.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë per një vit, të paaftë për punë.

C. 1. Në remision të plotë
Aftësia për punë:
Të punësuarit dhe të vetëpunësuarit që kryenin punë në profesione si: shofer, berber, elektriçist, minator, arësimtar, kasap, nëpunës, që kërkojnë tension psikik, si dhe profesione të tjera që paraqesin rrezikshmëri për të siguruarin dhe shoqërinë, përfitojnë invaliditet të pjessshem për tre vjet, të aftë për punë të përshtatshme, jo ne profesionin e tyre.

2. Dy ose më pak kriza në vit, me defekt te lehtë që manifestohet me: rënie të vullnetit për punë, ulje te rendimentit, vështirësi të integrimit në shoqëri, me deluzione fragmentare të inkapsuluara, si dhe me ndryshime të personalitetit.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të pjesshëm për dy vjet, të aftë për punë në profesionin e tyre me orar të reduktuar, ose transferim në një punë tjeter më të përshtatshme.


II. Çrregullimi deluzional (297; 0502297)

A. 1. Me ide delirante te persekutimit, xhelozisë, helmimit, etj që janë tepër rezistente ndaj mjekimit dhe kontrollojnë sjelljen e të siguruarit.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për dy vjet, të paaftë për punë.

2. Dy ose më shumë kriza në vit
Aftësia për punë:
Të siguruarit pavarësisht nga profesioni që kanë kryer, përfitojnë invaliditet të plotë për dy vjet, të paaftë për punë.



Edituar për herë të fundit nga në Fri Feb 01 2008, 12:38, edituar 1 herë gjithsej

B. 1. Me gjithë mjekimin intensiv vazhdojnë të kenë ide delirante të inkapsuluara, por me sjellje relativisht të ekuilibruar.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të pjesshëm për dy vjet, të aftë për punë në profesionin e tyre ( jo të rrezikshëm) me orar të reduktuar, ose punë në një profesion tjeter më të përshtatshëm.

2. Ne remision
Aftësia për punë:
Të punësuarit dhe të vetëpunësuarit që punonin në profesione si: shofer, arësimtar, berber, elektriçist, minator, kasap, etj, si dhe në profesione që paraqesin rrezikshmëri për të siguruarin dhe shoqërinë, përfitojnë invaliditet të pjesshëm për tre vjet, të aftë për punë të përshtatshme jo në profesionin e tyre.



III. Çrregullimet afektive (296; 0502296)

A. 1. Me recidiva të shpeshta (dy ose më shumë recidiva në vit) qofshin maniakale ose depresive.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për dy vjet, të paaftë për punë.

2. Rezistente ndaj mjekimit, qe manifestojnë (mbi 6 muaj) simptomatikë maniakale ose depresive.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për një vit, të paaftë për punë.

B. 1. Në remision
Aftësia për punë:
Të punësuarit dhe të vetëpunësuarit që kanë punuar në profesione si: shofer, arësimtar, berber, elektriçist, minator, kasap, si dhe në profesione që paraqesin rrezikshmëri për të siguruarin dhe shoqërine, përfitojnë invaliditet të pjesshëm për tre vjet, të aftë për punë të përshtatshme jo në profesionin e tyre.

2. Kur persiston vazhdimisht një subklinikë depresive ose maniakale
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të pjesshëm për dy vjet, të aftë për punë në profesionin e tyre me orar të reduktuar, ose transferim në një punë tjetër më të përshtatshme.



IV. Çrregullimi skizo-afektiv (295.70 ; s’ka kod)

Aftësia për punë:
Do të bëhet sipas rastit, ose me kriteret e sëmundjes së skizofrenisë, ose të psikozës maniako-depresive, meqenëse këto sëmundje kanë simptomatikë të ngjashme herë me atë të skizofrenisë dhe herë me atë të psikozës maniako-depresive.


V. Çrregullimet mendore organike (294; 0501294)

A. Me demencë të plotë ( pavarësisht nga origjina) të pakthyeshme
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë dhe shtesë për kujdesje, për pesë vjet, të paaftë për punë.

B. Me demencë, ku shkalla e degradimit karakterizohet me humbje të theksuar të aftësive njohëse, dëmtim të kujteses, etj.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për tre vjet, të paaftë për punë.

C. Me shfaqje të shenjave të para të demencës, të cilat nuk janë të shprehura
Aftësia për punë:
Të siguruarit përfitojnë invaliditet të pjesshëm për tre vjet, të aftë për punë në profesionin e tyre me orar të reduktuar, ose transferim në një punë tjetër të përshtatshme.

VI. Çrregullimet e ankthit

A. 1. Çrregullimet e konversionit me çrregullime të rënda motore (plegji e pareza) rezistente ndaj mjekimit.
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për dy vjet, të paaftë për punë.

2. Çrregullimi obsesivo-kompulsiv me intensitet të rëndë të simptomave dhe rezistent ndaj mjekimit
Aftësia për punë:
Të siguruarit, pavarësisht nga profesioni që kanë kryer, përfitojnë invaliditet të plotë për një vit, të paaftë për punë.

B. Çrregullimet e tjera të ankthit ( përjashtuar dy rubrikat e mësipërme)
Aftësia për punë:
Të siguruarit, pavarësisht nga profesioni që kryenin përfitojnë invaliditet të pjesshëm për tre-gjashtë muaj, të aftë për punë në profesionin e tyre me orar të reduktuar, ose transferim në një punë tjeter më të përshtatshme.



VII. Prapambetjet e zhvillimit mendor (Oligofrenitë)

Aftësia për punë:
Për të siguruarit e të punësuarit që kanë prapambetje të moderuar dhe që pësojnë çrregullime psikike të natyrës neurotike, paranoide, afektive, reaktive, etj, aftësia për punë do të bëhet mbi bazën e kritereve të përcaktuara për çrregullimet psikike që lindin në terrenin e prapambetjes mendore.


VIII. Çrregullimet mendore nga marrja e substancave


Aftësia për punë:
Të siguruarit që do të vuajnë pasojat e intoksikacionit akut ose kronik nga substancat, aftësia për punë do t’ju caktohet sipas kritereve të psikozave organike.

Edituar për herë të fundit nga në Fri Feb 01 2008, 12:37, edituar 2 herë gjithsej