| Shteti fqinj, Italia, do të ofrojë edhe këtë vit bursa për studime e kërkime pranë institucioneve italiane. Konkretisht Ministria e Punëve të Jashtme italiane ofron bursa me një kohëzgjatje nga 1 deri në 12 muaj për t’u kryer pranë Institucioneve Shkencore italiane. Bursat do të jenë për disa sektorë si kërkime, kurse pasuniversitare (doktoratura, master, specializime me përjashtim të disiplinave mjekësore) kurse të ndryshme (pranë Akademive, Konservatoreve, Shkollës Kombëtare të Kinematografisë), si dhe kurse të gjuhës e kulturës italiane për mësuesit e gjuhës italiane. Aktivitete të tilla mund të zhvillohen pranë institucioneve si universitete, Institute të Larta të Formimit Artistik e Muzikor, Institutit të Restaurimit, Shkollës Kombëtare të Kinemasë, qendrave e Laboratorëve të Kërkimit, bibliotekave, arkivave dhe institucioneve të tjera shtetërore. Përfitues të këtyre bursave do të jenë individët, të cilët nuk e kanë kaluar moshën 35 vjeç. Ndërkohë që, kërkesat duhet të dorëzohen përpara datës 15 maj. | |||
