Nisargadatta Maharaj ...Përsa kohë je i vetëdijshëm, do të ndjesh kënaqësi e dhimbje në nivelin e vetëdijës. Për t'u hedhur përtej tyre, duhet të hidhesh përtej vetëdijës, gjë e cila është e mundur vetëm nëse e sheh vetëdijen si diçka që të ndodh ty e nuk ndodh në ty, si diçka të mbivendosur, të jashtme? në këtë pikë papritmas je i lirë nga vetëdija... dhe kjo është gjendja jote e vërtetë. Shen-hui Të shohësh në natyrën tënde, është të shohësh në asgjë. Të shohësh në asgjë, është të shikuarët e vërtetë dhe të shikuarët e përjetshëm. Ramana Maharshi Të endurët është në natyrën e mëndjes. Ti nuk je mëndja. Mëndja hovet përpjetë e mandej zhytet. Është e paqëndrueshme, kalimtare, ndërsa ti je i përjetshëm?rri në Vetvete! Mos i jep rëndësi mëndjes? në njeriun e realizuar mendja nuk mund të jetë aktive apo pasive, vetëm Vetvetja mbetet për të. John Blofeld Lindja dhe eleminimi i iluzionit janë që të dyja iluzore. Iluzioni nuk është diçka që i ka rrënjët në Realitet; ai egziston për shkak të mendimit tuaj dualistik. Nëse ju vetëm do të reshtnit së priruri kah konceptet e kundërta si, i zakonshëm dhe i Ndriçuar, iluzioni do të reshtë vetvetiu. Kështu, nëse do të donit ta shkatërronit kudo që të jetë, do të zbulonit se ai nuk është në gjendje t'ju zotërojë as dhe një fije floku. Ramesh Balsekar Ndriçimi nuk mund të arrihet nëse kërkohet me forcë. Ai mund të ndodhë vetëm kur t'i jepet mundësia për ta bërë këtë, kur pengimi prej koncepteve të reshtë. Mund të shfaqet vetëm kur gjen një hapësirë të lirë ku të mund të shfaqet. Nisargadatta Maharaj Ti nuk je trup. Gjithçka që shfaqet e mandej zhduket nuk është gjë tjetër veçse projeksion mendor. |